SE MAK TENKI RESPONSABILIZA ASSET ESTADO NEBE’E LA FO’O BENIFISIO BA ESTADO RDTL

Hotel Timor. Hanesan  ita hotu hatene katak Rai ho Edifisio nebe’e investor Portugues usa ne’e Estado nian.  Liu hosi Fundasaun Oriente tuir resolusaun  hosi governu, hahu hosi governu anterior nebe’e lidera hosi Marie Alktiri  fo’o oportunidade ba investor Portugues liu hosi Fundasaun oriente hodi esplora durante tinan 15  hosi 2003 to’o 2017, ho total investemento $5.292.669,62 dolares amerincano. Maibe Durante tinan 9 nian laran Investor Portugues liu hosi Fundasaun Oriente usa Rai ho edifisio Estado nian  la selu imposto ba Estado.  

Resolusaun  foun hosi Governu AMP No. 31/2011 de outubro nebe’e koalia kona ba “aprova o contrato de cessao de exploracao e arrendamento do Hotel Timor”. Governu AMP tuir resolusaun ne’e governu AMP hapara no loke fila-fali contrato foun ba investimento hosi companye Portugues nebe’e oras ne’e gere hela Hotel Timor hosi 20 de Maio 2012 to’o 2032. Investimento hosi contrato foun ne’e companye Portugues refere sei investe 2 miloes dolares Americano ho selu imposto tinan ida $ 7.500 dolares Americano.

Ida ne’e hatudu momos katak iha lideranca politik balun usa poder nebe’e iha ka poder nebe’e povo fo’o liu hosi votus iha eleisaun sai hanesan “liu hosi saham kosong hodi hatur kebijakan politiku nebe’e fo’o vantagen liu ba Investor”. Hosi ida ne’e Estado ida nebe’e hamrik hosi povo laos ona atu liberta povo maibe matenek sira usa kondisaun hotu-hotu nebe’e rai ne’e iha hodi habokur sira nia a’an no familia.  

Iha resolusaun foun hosi Governu AMP  sei reconhece resolusaun nebe’e Governu Anterior nebe’e lidera hosi DR. Marie Alktiri iha tinan 2003 dia 5 de Maio, nebe’e hateten katak; “Considerando que o Estado e a Fundasaun Oriente celebraram, em 5 de Maio 2003, um protocol sobre e a Reconstrucao, Aprecthamento e exploracao do Hotel Timor, pelo qual o Estado concedeu a Fundacao Oriente o arrendamento e a exploracao commercial do edificio do Hotel Timor, por um periode de 15 anos”.

Hahu hosi 2003 to’o 2012  trabalhadores barak mak servisu sai tama tamba salario nebe’e ki’ik maibe rendemento hosi Hotel Timor sae a’as tamba hanesan ita hotu hatene katak uniku Hotel nebe’e hamrik uluk iha Capital Dili, maibe investor Portugues nebe’e gere Hotel Timor la selu imposto ka “pajak” ba Estado durante period nebe’e investor Portugues ne’e usa.

Koalia kona ba rendimento hosi Hotel Timor ho kalkus nebe’e mak ita foti hosi rendemento total durante tinan 9 nia laran hahu hosi 2003 to’o 2012 Hotel Timor Estado belem hetan benifisio nebe’e bo’ot ba trabalhadores sira. Maibe trabalhadores Timor oan nebe’e servisu iha Hotel Timor moris ho salario nebe’e minimum liu.

Rendemento hosi  88 quartos ho Single Quiz(SQ) kalan ida $135 dolares americano, Quarto DKB kalan ida $150 dolares americano, Appartament kalan $190 dolares Americano, Quarto Junior Sweat  kalan ida $150 dolares Americano. Total hosi hosi Quarto sira ne’e hamutuk loron ida ka kalan ida Gerente Hotel Timor hosi Investor Portugues bele hatama nia lukru $18.900,00 X 12 meses = $226.6800, X 108 meses = $24.494.400,00 durante tinan 9 nian laran entre 2003 to’o 2012.

Rendimento seluk hosi Hotel Timor mai hosi Bar,  loron ida to’o 12 kalan rendemento hosi bar bele atinji to’o $1.200, Restaurante, loron ida bele hatama minimun to’o $1000 dolares Americano hetan rendimento nebe’e a’as liu. Tamba kada bikan ida bele atinji to’o $15 dolar ou 25 dolares americanu

Hosi rendemento nebe’e Investor Portugues hetan durante tinan hira nian laran trabalhadores  Timor-oan nebe’e contratado servisu durante tinan 9  nian laran manan salario  $180 dolares Americano. Ba trabalhadores Timor-Oan sira nebe’e foin tama hahu ho salario $120 dolares Americano liu tiha tinan ida sura hamutuk ho oras extra trabalhadores Timor-Oan manan salario minimun $150 dolares Americano. Rendimento  ida ne’e sei dauk konta ho planu rehabilitasaun nebe’e atu halo hodi aumenta tan quase 50 quartos tuir contrato foun nebe’e halo ho investimento 2 Milhoes dolares americanu.

Estado lakon oportunudade ba rendemento hosi asset nebe’e Estado nian maibe ho “saham kosong liu hosi Kebijakan Politik” nebe’e estabelece ba asset mate nebe’e Estado nian lideranca Politiku balun mos bele hetan ka procento ba sira nia a’an ou ba sira nia grupo. Maibe trabalhadores nebe’e servisun iha Hotel Timor manan salario minimum liu iha Hotel Timor nebe’e nia rendemento a’as tebes.

Liu tiha 450 anos Portugues kolonia Timor-Leste, 24 anos Timor-Leste moris iha okupasaun military Indonesia nia okos, 2012 Timor-Leste halo 500 anos, maibe tamba sa mak tan deit romantismo gerasaun tuan nian investor Portugues mak bele hetan fasilidades Rai ho Edifisio nebe iha halo empresario Timor-Oan hateke deit hahalok sira ne’e iha Rai nebe’e ita rasik mak Liberta? Empresario Timor-Oan mos barak ke iha posibilidade ba investimento sira hanesan Hotel nusa mak Estado la fo’o ba Empresario Timor-Oan hodi gere, tenki fo empresario hosi rai liur?

Tan ne’e mak Partido Socialista ejiji mudanca iha lei investimento nian ou tau iha lei investimento katak kompanye sese deit mak hakarak investi iha Timor Trabalhadores Timor-Oan tenki iha Saham iha perusahan ka Hotel liu hosi asset Estado nian nebe’e iha. Atu nune hosi rendemento nebe’e iha sei la tuir rendemento annual nian, ho trabalhadores timor-oan iha tenki “saham” hotel bo’ot hanesan Hotel Timor liu hosi Koperativa estabelece hosi Trabalhador rasik, atu nune sei la acontece PHK ka hasai ema hosi servisu tuir companye nia hakarak. Tamba bele fahe rendimento annual trabalhadores bele hetan prosentazen 40%. 

Konseito “Saham untuk Buruh”  konseito ida ne’e simples, oinsa Trabalhadores Timor Oan bele iha “Saham” iha investimento iha Rai ka edifisio Estado nian. Koperativa nebe’e estabele hosi trabalhadores Timor-Oan hamutuk ho Estado tuir dever estado nian hodi fo’o apoio hanesan temi iha konstituisaun RDTL TITULO III “Direitos e Deveres Economicos, sociais e cultura, Artigo 50 (Direito ao Trabalho) iha alinea 5 hateten katak; O Estado promove a criacao de cooperativas de producao e apoia as empresas familiars como fontes de emprego”.

Atu trabalhadores bele senti mos hanesan investor sira katak trabalhadores mos nain iha fatin nebe’e trabalhadores servisu ba Governu tenki muda ka aumenta tan alinea ida iha lei investimento nian iha nebe’e hateten katak; “kompanha rai nebe’e deit mak hakarak investe iha Timor-Leste usa Rai ka Edifisio Estado tenki tau Saham ba trabalhadores sira”.

Hakerek nain hakarak fo’o sai exemplo simples hosi konseito “Saham untuk Buruh/Accao ba Trabalhadores Timor Oan” Estado iha Rai no Edifisio. Rai ho Edifisio ne’e mak sai hanesan “Asset Mate” ba trabalhadores Timor-Oan sira, empresario rai liur ka hosi rai laran rasik wainhira hanoin atu halo investimento Rai ho Edifisio sai hanesan Saham ba Trabalhadores investor sira  bele mai ho osan maibe rai ho edifisio nebe’e iha tenki fo’o benifisio boot ba trabalhadores Timor-Oan sira.   

Tan ne’e mak mosu ejijencia  kona ba  “Saham untuk Buruh” atu ejijencia ida ne’e acontece, maka mudanca ba lei 3 hanesan Lei Investimento, Lei codico e laboral no lei kona ba Agraria nian.   Tamba  wainhira ita hotu hamutuk liberta tiha rai ida ne’e ita hotu hakat ba oin ho mehi ida nebe’e atu hetan moris diak no justo, maibe ukun rasik a’an ida ne’e laiha signifikado wainhira trabalhadores Timor Oan la senti nia servisu iha nia rain rasik.

Lideranca Politiku labele kria kondisaun nebe’e diak ba sira nia a’an deit. Lideranca Politiku kria relasaun diak deit empresario rai liur  sira hodi salvaguarda ba sira nia moris, maibe tenki fo’o importancia maka’as ba direito trablhadores Timor-Oan iha rai laran. Basa trabalhadores timor oan sira ne’e mak hanesan autor ba desenvolvimento.  Lalaok  individualista nebe’e  mak sobre sai maka’as hosi attitude lideranca politiku sira, la hatudu espirito patriotism ba rai ida ne’e.  Individualisme  nebe’e falun metin tiha espirito kolektivismo nebe’e moris iha povu hatudu povo ki’ik no kiak atu lakon confianca ba lideranca sira.  Ita  koalia Liberta Povo maibe iha kotuk ita halo traisaun bo’ot hasoru povo, Liberta Povo laiha defenisaun ida klaru hodi hadia trabalahdores Timor-Oan nian moris. 

Se mak sai responsabilidade ba politika ida ne’e?

Koalia kona ba gestao managementu nasaun nian entre ministeiro hotu-hotu, ministeiro financa, ministeiro ekonomia desenvolvimento no ministeiro justice mak responsabilisa ba aksaun politiku ida. Tan ne’e Madalena Boavida, Marie Alktiri ho Domingus Sarmento representa Governu Anterior ho Ministra Financa  Emilia Pires no Ministro Ekonomia Desenvolvimento  Joao Goncalvez  representa Governu AMP mak tenki responsabiliza kona ba “kerugian iha asset Estado nian” nebe’e  maka ohin loron investor rai liur usa.

Hanesan hakerek nain cita iha leten katak; Asset Mati nebe’e Estado Timor-Leste iha tenki sai benifisio ba ema Timor-Oan. Labele usa fali kebijakan politik sai hanesan Saham kosong hodi percento hosi Rai ho Edifisio nebe’e Estado nian. Se ida ne’e mak acontece nafatin ba oin maka povo ki’ik no kiak sira sei hamrik hamutuk dala ida tan hasoru hahalok sira nebe’e nakonu ho individualisme iha lideranca politiku sira iha Timor-Leste.